Azərbaycanlı həkimə ABŞ-da yüksək vəzifə verilib

2023

Azərbaycanlı həkimə ABŞ-da yüksək vəzifə verilib

Azərbaycanlı həkim, tibb elmləri doktoru Rauf Şahbazov ABŞ-ın Nyu-York ştatında yerləşən Albany Tibb Mərkəzinin yeni yaradılan transplantalogiya cərrahiyyəsi şöbəsinin rəhbəri təyin olunub.

Avqustun 2-dən vəzifəsinin icrasına başlayacaq həmyerlimiz eyni zamanda cərrahiyyə şöbəsindəki Nil Lempert kafedrasına da rəhbərlik edəcək.

Bu vəzifələrə təyin olunana qədər Rauf Şahbazov Nyu-York ştatının Sirakyus şəhərindəki UPSTATE Tibb Universitetində çalışıb. Həmyerlimiz canlı donordan böyrək nəqli proqramının direktoru, mədəaltı vəzi nəqli proqramının cərrahi direktoru və robotik cərrahiyyə proqramının direktoru vəzifələrində çalışıb.

Dr. Rauf Şahbazovun hədəfi transplantasiya və hərtərəfli qayğıya əlçatanlıq imkanları baxımından proqramın güclü tərəflərini, həmçinin təhsil və tədqiqat missiyalarını genişləndirməkdir.

Soydaşımız Azərbaycan Tibb Universitetinin məzunudur. MD, PHD, MRCS Ed, FEBS, qaraciyər, böyrək, mədəaltı vəz transplantasiyası, hepatobiliar cərrahiyyə üzrə mütəxəssisdir.

Bakıdakı 5 nömrəli kliniki şəhər xəstəxanasında, Səudiyyə Ərəbistanının əl-Taif şəhərindəki Kral Feysəl xəstəxanasında cərrah işləyib. Türkiyədə və ABŞ-ın Virciniya Universitetində cərrah-transplantoloq kimi çalışıb, Avropa və Amerikanın müxtəlif klinikalarında uzunmüddətli təlimlər keçib. 2012-ci ildə Amerika Cərrahlar Cəmiyyəti tərəfindən ABŞ-a dəvət alıb.

Amerika Cərrahlar Kolleci, Amerika Cərrah-Transplantoloqlar Cəmiyyəti və Amerika Tibb Assosiasiyası da daxil olmaqla çoxsaylı peşəkar cəmiyyətlərin üzvüdür. 2017-ci ildə Azərbaycan-Amerika Tibb Assosasiyasını yaradaraq, ictimai fəaliyyətə başlayıb.

Elmi jurnallarda onlarla məqalənin müəllifi və ya həmmüəllifidir. “Transplant Cərrahiyyə” kitabında canlı donorun qaraciyər transplantasiyasına dair fəslin müəllifidir. Doğma dilimizdən başqa, ingilis, rus, türk dillərində sərbəst danışır və ərəb dilini bilir.

Qeyd edək ki, R.Şahbazov Dünya Azərbaycanlılarının Şuşada keçirilən V (Zəfər) Qurultayının iştirakçısı olub.

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycanli-hekime-abs-da-yuksek-vezife-verilib-3300

Soydaşlarımız “Arnold Sports Festival” beynəlxalq turnirində yüksək nəticələrə nail olublar
, 2023
Soydaşlarımız “Arnold Sports Festival” beynəlxalq turnirində yüksək nəticələrə nail olublar

ABŞ-da yaşayan idmançı soydaşlarımız Ohayo ştatının Kolambus şəhərində keçirilən “Arnold Sports Festival” beynəlxalq yarışında böyük uğur qazanıblar.

2-5 mart 2023-cü il tarixində baş tutan yarış zamanı ABŞ-ın İllinoys ştatının Çikaqo şəhərində yaşayan Gündüz İsmayilov “Powerlifting, bench press” üzrə birinci yeri tutaraq, qızıl medala layiq görülüb. Qeyd edək ki, Gündüz İsmayılov bu yarışa Diasporla İş üzrə Dövlət Komitəsinin dəstəyi ilə qatılıb.

Amerikadakı Armrestlinq Federasiyasının rəhbəri İsmayıl Quliyev də əfsanəvi aktyor və idmançı Arnold Çvartsneggerin təsisçisi olduğu yarışın bu kateqoriyasında qalib gəlib və qızıl medal qazanıb.

Mirtaleh Aslanov və Elsevər Xasıyev isə “Armwrestling” üzrə müvafiq olaraq I və III yerləri tutaraq, qızıl və bürünc medallara sahibləniblər.

Diasporla İş üzrə Dövlət Komitəsi mötəbər yarışda parlaq qələbələr qazanmaları münasibətilə idmançılarımızı təbrik edir, soydaşlarımıza bundan sonra da davamlı qələbələr əldə etməyi arzulayır.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/soydaslarimiz-arnold-sports-festival-beynelxalq-turnirinde-yuksek-neticelere-nail-olublar-2573

yüksək – Kıbrıs Ada Gazetesi

Azərbaycanlı həkimə ABŞ-da yüksək vəzifə verilib

Soydaşlarımız “Arnold Sports Festival” beynəlxalq turnirində yüksək nəticələrə nail olublar