2025

Almaniyada Azərbaycan musiqisinə həsr olunmuş konsert keçirilib

Almaniyanın Mönhenqladbax şəhərində Azərbaycan musiqisinə həsr edilmiş iki hissəli konsert keçirilib. Konsert Azərbaycan Dövlət Akademik Opera və Balet Teatrının solisti, tanınmış vokal ifaçısı Vüsalə Cabirin təşəbbüsü ilə gerçəkləşən “Multikultural nostalji axşamı” adlı layihə çərçivəsində təşkil olunub.

https://x.com/DiasporaAz/status/1909524911099429025

“Multikultural nostalji axşamı” layihəsi artıq bir neçə ildir davam edir. Layihənin məqsədi müxtəlif xalqları musiqi vasitəsilə birləşdirmək, Azərbaycan musiqisini beynəlxalq səviyyədə tanıtmaq və yaymaqdır.

https://x.com/DiasporaAz/status/1909524911099429025

Konsertin birinci hissəsində “Könül Dostları” xor qrupu Üzeyir Hacıbəylinin “Leyli və Məcnun” operasından “Şəbu-Hicran” xor səhnəsini, Qulu Əsgərovun “Gəlmədin yar” romansını, “Bu qala daşlı qala” xalq mahnısını və müxtəlif türk xalq musiqilərini ifa edib.

İkinci hissədə, Vüsalə Cabir pianoçu Səbinə Məmmədova və “Qala” qrupunun müşayiəti ilə Fikrət Əmirov, Səid Rüstəmov, alman bəstəkar Teo Makeben və italyan bəstəkar Vinçenzo Di Kiaranın əsərlərini səsləndirib. Musiqi nömrələri müxtəlif dillərdə və janrlarda təqdim olunub və böyük maraqla qarşılanıb.

https://x.com/DiasporaAz/status/1909524911099429025

Konsertdə Almaniya, Fransa və Niderlanddan olan azərbaycanlı diaspor nümayəndələri ilə yanaşı, Azərbaycana dost münasibət bəsləyən xalqların nümayəndələri də iştirak edib. “Ana Vətən” Avropa Azərbaycanlı Qadınlar Birliyinin sədri Mayisə Ağamirzəyeva çıxışında Vüsalə Cabirin Azərbaycan musiqisinin Avropada təbliğindəki əvəzsiz xidmətlərini yüksək qiymətləndirib və ona fəxri fərman təqdim edib.

https://x.com/DiasporaAz/status/1909524911099429025

Hal-hazırda Almaniyada fəaliyyətini davam etdirən Vüsalə Cabir “Könül Dostları” Mədəniyyət Dərnəyində xor rəhbəri, səs müəllimi və solist kimi çalışır. O, 2005-ci ildə “Muğam” Televiziya Müsabiqəsinin laureatı olaraq tanınıb.

Foto qalereya

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/almaniyada-azerbaycan-musiqisine-hesr-olunmus-tedbir-kecirilib-5707

https://x.com/DiasporaAz/status/1909524911099429025

2024

Almaniyada azərbaycanlı bəstəkarın “Məryəm Ana” adlı konserti keçirilib

https://x.com/DiasporaAz/status/1852230644102754758

Almaniyanın Lemqo və Detmold şəhərlərində həmin ölkədə yaşayan azərbaycanlı bəstəkar, Azərbaycan Bəstəkarlar İttifaqının, Almaniyanın GEMA təşkilatının, “Qadınlar Musiqidə” Beynəlxalq Alyansının üzvü, Detmold Konservatoriyasının, Paderborn Universitetinin dosenti Xədicə Zeynalovanın təşkilatçılığı və rəhbərliyi ilə “Məryəm Ana” (“Ave Mariya”) adlı konsert keçirilib.

https://x.com/DiasporaAz/status/1852230644102754758

Konsertlərdə Xədicə Zeynalovanın təsisçisi və bədii rəhbəri olduğu “Səsin körpüsü” (“Bridge of Sound”) beynəlmiləl ansamblının və solistlərin ifasında bəstəkarın xalq mahnıları ilə eyniadlı “Ay Dilbər” və “Ay Laçın” əsərləri ifa edilib. Xədicə Zeynalova “Ay Dilbər”də Azərbaycan xalq mahnıları “Qaladan qalaya”, “Mürsəl” və “Ay Dilbər”i, “Ay Laçın”da isə “Bayatı-Şiraz” muğamı ilə xalq mahnısı “Ay Laçın”ı birləşdirərək yeni əsərlər yaradıb.

Konsertdə bəstəkarın 3 solist (soprano, messo-soprano, tenor), orqan və ansambl üçün bəstələdiyi, bəşəriyyəti və dinləri musiqi vasitəsi ilə birləşdirən “Məryəm Ana” (“Ave Mariya”) əsəri “Səsin körpüsü” beynəlmiləl ansamblının ifasında ilk dəfə səsləndirilib.

https://x.com/DiasporaAz/status/1852230644102754758

Xədicə Zeynalova “Məryəm Ana” əsərini 2020-ci ildə bəstələdiyini, bu əsərinin bəşəriyyəti tolerantlığa və sülhə çağırış ifadə etdiyini bildirib.

Bəstəkar Azərbaycan Respublikasının “Nizaminin 880 illiyi” və “Diaspor fəaliyyətində xidmətə görə” medalları ilə təltif edilib. Almaniyada nüfuzlu Fridrix Ebert Fondunun (Friedrich-Ebert-Stiftung) doktorluq üzrə təqaüdünə, Almaniya Mədəniyyət Nazirliyinin, “Musikfonds” və GEMA fondlarının mükafatlarına layiq görülüb. Almaniyanın Mədəniyyət Nazirliyi və “Klosterlandschaft OWL” fondu tərəfindən Almaniyada 2024-cü ilin ən yaxşı bəstəkarı seçilib.

Foto qalereya

dostların arasında bunu ilk tövsiyyə edən sən ol

Digər xəbərlər

kaynak:https://diaspor.gov.az/az/news-detail/almaniyada-azerbaycanli-bestekarin-meryem-ana-adli-konserti-kecirilib-5211

https://x.com/DiasporaAz/status/1852230644102754758