Президент Садыр Жапаров – Kıbrıs Ada Gazetesi https://kibrisadagazetesi.com Thu, 06 Jul 2023 18:29:33 +0000 tr hourly 1 https://kibrisadagazetesi.com/wp-content/uploads/2025/03/cropped-kibris-ada-32x32.webp Президент Садыр Жапаров – Kıbrıs Ada Gazetesi https://kibrisadagazetesi.com 32 32 Президент Садыр Жапаров Малайзиянын тышкы иштер министри Замбри Абдул Кадирди кабыл алды https://kibrisadagazetesi.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d1%81%d0%b0%d0%b4%d1%8b%d1%80-%d0%b6%d0%b0%d0%bf%d0%b0%d1%80%d0%be%d0%b2-%d0%bc%d0%b0%d0%bb%d0%b0%d0%b9%d0%b7%d0%b8%d1%8f%d0%bd%d1%8b%d0%bd-h47265.html Thu, 06 Jul 2023 18:29:33 +0000 https://1453kralmedya.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d1%81%d0%b0%d0%b4%d1%8b%d1%80-%d0%b6%d0%b0%d0%bf%d0%b0%d1%80%d0%be%d0%b2-%d0%bc%d0%b0%d0%bb%d0%b0%d0%b9%d0%b7%d0%b8%d1%8f%d0%bd%d1%8b%d0%bd-h47265.html

 

 

 

2023-

 

 

 

 

Президент Садыр Жапаров Малайзиянын тышкы иштер министри Замбри Абдул Кадирди кабыл алды

 

 

 

 

Кыргыз Республикасынын Президенти Садыр Жапаров бүгүн, 3-июлда, Кыргызстанга расмий сапар менен келген Малайзиянын тышкы иштер министри Замбри Абдул Кадирди кабыл алды.

 

 

 

 

Кыргызстан менен Малайзиянын ортосундагы эки тараптуу жана көп тараптуу кызматташуунун учурдагы абалы жана келечеги тууралуу пикир алмашуу болду.

 

 

 

Мамлекет башчысы кыргыз тарап эки өлкө ортосундагы саясий диалогду мындан ары бекемдөөгө чоң маани берерин белгилеп, Малайзия Кыргызстандын Түштүк-Чыгыш Азиядагы негизги өнөктөштөрүнүн бири экенин эске алып, анын деңгээлин жогорулатуу зарылдыгын баса белгиледи.

 

 

 

Садыр Жапаров Кыргызстан менен Малайзиянын ортосундагы соода-экономикалык кызматташтыкты арттыруу үчүн жагымдуу шарттарды түзүү боюнча биргелешип иштөөгө даярдыгын билдирип, өлкөдө түзүлгөн чет элдик инвестициялар үчүн жагымдуу шарттарды белгиледи. Тактап айтканда, ал энергетика, туризм, айыл чарба жана маалыматтык технологиялар тармактарындагы эки тараптуу потенциалды белгиледи.

 

 

 

Учурдан пайдаланып, Мамлекет башчысы Малайзиянын Султаны Абдулла Ахмад Шахты жана Малайзиянын Премьер-министри Анвар Ибрагимди Кыргызстанга расмий сапар менен келип кетүүгө чакырды.

Өз кезегинде Малайзиянын тышкы иштер министри Замбри Абдул Кадир Садыр Жапаровго жылуу кабыл алгандыгы үчүн ыраазычылык билдирип, Малайзиянын Премьер-министринин атынан саламын айтты.

 

 

 

Ал өз өлкөсүнүн жетекчилигинин Кыргызстан менен эки тараптуу кызматташтыкты кеңири чөйрөдө, анын ичинде соода, инвестиция, билим берүү жана туризм жаатында кеңейтүүгө жана бекемдөөгө умтулгандыгын баса белгиледи.

Замбри Абдул Кадир Мамлекет башчысы менен болгон бүгүнкү жолугушуу жана анын расмий сапары Кыргызстан менен эки тараптуу мамилелердин бекемделишине жана өсүшүнө түрткү берерин канааттануу менен белгиледи.

 

 

 

Тараптар эки жактан тең мамилелерди тереңдетүү үчүн зарыл болгон бардык инструменттерди эске алуу менен өлкөлөр ортосундагы стратегиялык мамилелерди тереңдетүүгө жана кеңейтүүгө эки тараптуу даярдыгын белгилешти.

kaynak:https://president.kg/news/all/24340

]]> Президент Садыр Жапаров: “Асман” шаары – Чыгыш менен Батышты, Түндүк менен Түштүктү байланыштырган финансылык хаб болуп калат! https://kibrisadagazetesi.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d1%81%d0%b0%d0%b4%d1%8b%d1%80-%d0%b6%d0%b0%d0%bf%d0%b0%d1%80%d0%be%d0%b2-%d0%b0%d1%81%d0%bc%d0%b0%d0%bd-%d1%88%d0%b0%d0%b0-h47087.html Fri, 30 Jun 2023 20:04:35 +0000 https://1453kralmedya.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d1%81%d0%b0%d0%b4%d1%8b%d1%80-%d0%b6%d0%b0%d0%bf%d0%b0%d1%80%d0%be%d0%b2-%d0%b0%d1%81%d0%bc%d0%b0%d0%bd-%d1%88%d0%b0%d0%b0-h47087.html

Жаңылыктар
Жарлыктар
Буйруктар
Мыйзамдар
Документтер
Кайрылуулар
Сүрөт репортаждары
Куттуктоолор
Видео материалдар
Окуялардын жыйынтыгы
Сүйлөгөн сөздөрү
Интервьюлар
Администрациянын иши жөнүндө

 

 

 

 

 

2023-06-30

 

 

 

 

Президент Садыр Жапаров: “Асман” шаары – Чыгыш менен Батышты, Түндүк менен Түштүктү байланыштырган финансылык хаб болуп калат!

 

 

 

 

 

 

 

 

 

 

Бардык сүрөттөрдү жүктөө

 

 

 

 

““Асман шаары” – Чыгыш менен Батышты, Түндүк менен Түштүктү байланыштырган финансылык хаб болуп калат!” – деп Кыргыз Республикасынын Президенти Садыр Жапаров, бүгүн, 30-июнда, Ысык-Көл облусундагы “Асман” шаарынын курулушунун башталышына мезгил кутусун салуу аземинде сүйлөп жатып, белгиледи.

 

 

 

 

 

Өз сөзүндө Мамлекет башчысы төмөнкүлөрдү белгиледи:

“Урматтуу кыргызстандыктар!

Кымбаттуу көл кылаасынын тургундары!

Бүгүнкү иш-чаранын урматтуу катышуучулары жана кадырлуу меймандары!

 

 

 

 

 

Бүгүн биз көптөн бери сөз болуп, кылдат иштелип чыккан заманбап “Асман” шаары” долбооруна расмий түрдө старт берүү максатында мезгил кутусун салуу аземине чогулуп олтурабыз.

Иш-чарага күбө болуу үчүн өлкөбүздүн булуң-бурчунан көптөгөн мекендештерибиз дагы чогулушкан.

Кыргызстандын бардык аймактарынан өлкө тарыхында биринчи жолу болуп жаткан бул ири курулуштун башталышына келип олтурушунун өзү эле биздин элибиздин биримдигинен, ынтымагынан кабар берет.

Заманбап шаар курулушун колдоо менен биз алдыга коюлган улуу максаттарга ынтымак менен гана жетерибизди, ой-кыялдарыбызды реалдуулукка айланта аларыбызды далилдеп турабыз.

Азыркы тапта дүйнө өлкөлөрү акылдуу шаарларды курууга умтулуп жатканын эске алсак, заман талабынан артта калбай, “акылдуу шаар” куруу долбоору кубаттоого арзыйт.

Бул долбоорду ишке ашыруу менен биз кыргыз бермети болгон Ысык-Көлүбүздүн жээгинде инновациялык шаар куруп, экономикалык жана туристтик борборго ээ болобуз.

Эгемендүү Кыргызстандын тарыхында мындай ири долбоор эң алды менен туризмди жана инвестициялык мүмкүнчүлүктү өнүктүрүү максатын көздөйт.

 

 

 

 

 

Дүйнөнүн булуң-бурчундагы туристтерди өзүнө тарткан кереметтүү көлүбүздүн жээгине мындай инновациялык шаар куруу менен, өлкөбүздүн туристтик жана инвестициялык кудуретин мындан да арттырууга жол ачылат.

Асман шаары – Чыгыш менен Батышты, Түндүк менен Түштүктү байланыштырган финансылык хаб болуп калат!

 

 

 

 

 

Бул шаар бүтүп ишке кирип кетсе, бүгүн “Кумтөр” жалпы мамлекетибиздин экономикасын кандай алдыга жылдырып жаткан болсо, «Тамчы ЭЭА» менен бул шаар дагы, бүткүл өлкөбүздүн экономикалык жактан локомотиви болуп, алдыга сүйрөп кетет.

Ушул жерден бир нерсе айта кетейин, туугандар. Сөздү маалы келгенде айтпасаң, сөз атасы өлөт дейт. Айрым биздин кыска ой жүгүрткөн жарандарыбыз “бул шаарды Баткенге салып койбойт белеңер, баарын эле Көлгө сала бересиңерби” деген дооматтарын айтып жатышат.

Эгер Ысык-Көл Баткен тарапта болгондо, биринчи кезекте бул шаарды Баткенге салдырат элем.

Инвесторлор дагы өздөрүнө ыңгайлуу курорттук аймактарды тандашат экен.

Эң негизгиси, кайсы жерибизге салынбасын, бул шаар ар бир кыргызстандык үчүн пайда бере турган, өлкөбүздүн жалпы экономикасын алдыга жылдыра турган Кыргызстандын локомотив шаары болот.

Мисалы, “Кумтөр” Ысык-Көлдө жайгашканы менен бардык пайдасы республикалык бюджетке түшүп, ар бир кыргызстандык үчүн пайдаланылып келе жатат.

Дал ошол сыяктуу эле бул шаар дагы жалпы кыргызстандыктар үчүн пайда алып келет.

Ошондуктан арканды алыс таштап, жалпы Кыргызстандын түбөлүктүү келечегин ойлойлу, туугандар.

Кудайдын берген бир мезгили келет, мамлекетибиздин түштүк аймагына да дал ушундай шаар курулат.

Көл жээгине заманбап шаар салуу аракетиндеги дымактуу планыбызды учурунда сындагандар, ага ишенбегендер да болду. Дүйнөдө болуп жаткан жетишкендиктерден жакшы кабардар болгондор тээ алысты ойлоп, демилгени колдоп-коштоп, мындай ири долбоорлорго коркпой киришүүгө салым кошушту.

Коомчулуктун бир бөлүгү мамлекетибиздин чама-чаркына карап, “Акылдуу шаар” курууга чоң акча керек, анча каражат кайдан табылмак эле” деп, буга чейинкидей эле кедейчилик синдромунан чыга албай, долбоордун ишке ашпастыгын айтып, “бийликтегилер куру кыял кылып жатышат” деген шашылыш бүтүм чыгара салышты.

Айтор, элибиздин пикири экиге бөлүнүп, бир бөлүгү арканды алыс таштайлы десе, экинчи бөлүгү чамабызга чактап иш кылалы деп, кызуу талкуу жаралып келди.

Муну биз ачык-айкын талкуу жүргүзө алган кыргыз коомчулугунун артыкчылыгы катары дагы бааласак болот.

Бул арада, тагыраак айтканда, 1,5 жылдан бери акылдуу шаардын бир нече долбоору даярдалды.

“Асман” шаарынын долбооруна жана анын курулушунун башталышына өлкө казынасынан бир дагы тыйын кеткен жок.

Себеби, мындай ири долбоорду ишке ашырууга катышууга кызыккан сырткы инвесторлор бар. Бүгүн биз конкреттүү инвесторлор менен “Асман” экологиялык шаарын курууга капсула салууга изги ой-тилек, жакшы максаттарды коюп, ири долбоорду “быссымылда” деп баштап жатабыз.

Учурунда Арабияда Неом, Эмираттарда Маздар Сити, Швецияда Вестерн Харбор, Кытайда Күнөстүү өрөөн сындуу туруктуу өнүгүүгө багытталган долбоорлор ишке ашкан жана азыркы кезде дагы ийгиликтүү өнүгүүдө.

 

 

 

Андыктан, аталган өлкөлөрдүн ой-кыялдары реалдуулукка айланып, дүйнө элин суктандырып, башкаларга үлгү боло алды. Демек, биз дагы Асман шаарын кура алабыз! Башкалардан эмнебиз кем?

 

 

 

 

Урматтуу бүгүнкү саамалыктын катышуучулары!

Биз акылдуу шаарыбызды эмне себептен “Асман” деп атап жатабыз? Асман орусчага небо, англисчеге скай (sky) деп которулат эмеспи.

Биз дагы өз дараметине ишенүү менен жаңы-жаңы бийиктиктерге умтулуунун, алдыга чоң-чоң максаттарды коюп, аларды иш жүзүнө ашыруунун символу болуп калсын деп жакшыга жоруп, аруу тилек кылып, ушундай ысым ыйгарып жатабыз.

Кудай буюрса, Асман шаары ар бир позитивдүү адамдын өз бийиктигин таба алган, ой-кыялдарын орундата алган керемет жайына айланат.

Албетте, шаар куруу, айрыкча, акылдуу шаар куруу – бул өтө тыкыр пландоону, эксперттик жана координациялык аспектилерди талап кылган абдан татаал технологиялык процесс.

Мында айлана-чөйрөгө зыяны тийбегендей материалдар менен технологияларды колдонуу, энергиянын кайра жаралуу булактарын интеграциялоо, таштандыларды чыгаруунун туруктуу системасын камсыз кылуу, ландшафттык пландоодо мыкты дизайн иштеп чыгуу жана башка бир топ экологиялык, инновациялык маселелер эске алынышы кажет.

Ооба, ошону менен катар эле толук кандуу шаар куруу убакытты, ресурсту жана күч-аракетти талап кылаары түшүнүктүү эле жагдай.

Ошондуктан Асман шаары керектөөлөр жана мүмкүнчүлүктөрдү эске алуу менен ырааттуу түрдө калыптанат.

Ошентсе да, биздин эң биринчи милдетибиз – базалык инфратүзүмдү жаратып, тургундардын жашоо-турмушуна зарыл болгон шарттарды түзүүгө жетишүү.

Урматтуу мекендештер, кадырлуу агайын-туугандар!

Ар бириңиздердин көкүрөгүңүздөрдө “Ысык-Көл – кыргыз бермети, аны көздүн карегиндей сакташыбыз керек!” деген ыйык сезим жашаарын жакшы билем, жакшы түшүнөм.

Асман акылдуу шаарын куруу менен ыйык көлүбүз, ажайып жаратылышыбыз менен заманбап акылдуу шаардын бири-бирине шайкеш келген гармониясын жаратууну көздөп жатабыз.

Башкача айтканда, акылдуу шаар курууда эң ириде көлүбүздүн экологиялык баалуулугуна абдан чоң маани беребиз.

 

 

 

 

Шаардын инфратүзүмүн пландоодо, иштеп чыгууда, дегеле ар бир деталын карап чыгууда айлана-чөйрөнү коргоо жана экологиялык туруктуулук жаатындагы ченемдер жана стандарттардын толугу менен сакталышын тыкыр көзөмөлүбүзгө алабыз.

Ошол эле сууну пайдаланууда, ошол эле таштандыларды чыгарууда, ошол эле жылытуу системасында дүйнөдөгү акылдуу шаарлардын эң мыкты тажрыйбаларын пайдаланабыз.

Дегеле биз Ысык-Көлүбүздүн экологиялык абалына изилдөө, мониторинг жүргүзүү боюнча айлана-чөйрөнү коргоо жаатындагы окумуштуулар жана эксперттер менен кызматташууну колго алабыз.

 

 

 

 

Эми биздин өнүктүрүү боюнча өнөктөштөрүбүзгө, жалпы эле инвесторлорго дагы кайрылууну эп көрүп турам.

 

 

 

 

Башында эле баса белгилеп айтып кетейин, шаар курууга каралган жерден инвесторлорго чоң-чоң жер тилкелери бөлүнөт, аларга мамлекет тарабынан 100 пайыз кепилдик берилет.

Долбоорго акчасын салган инвесторлорду мамлекет өзгөчө коргоого алат деп ишенимдүү кепилдик бере алам.

Асман акылдуу шаарын курууга катышам деген башка дагы инвесторлор болсо, азыр дагы кучак жайып тосуп алууга даярбыз.

Келгиле, биздин уникалдуу долбоорубузга катышкыла, кыялыбызды ишке ашырып, акылдуу шаар куралы.

 

 

 

 

Акылдуу шаарыбыз эл жашаган конуш-жай же жумуш орундары эле эмес, инновациянын, экологиялык туруктуулуктун жана социалдык өнүгүүнүн символу болсун.

Башкаларга мындай жаратман иштер боюнча үлгү бололу.

Урматтуу инвесторлор, биздин өнөктөштөр!

 

 

 

 

Мамлекеттин берген кепилдиги менен эч тынчсызданбай, бир гана ушул долбоорду ийгиликтүү ишке ашырууга максат коюп, курулуш иштерин ыкчам баштай берсеңиздер болот.

Учурдагы бийлик сиздердин ишиңиздерге эч кимди кийлигиштирбейбиз жана мамлекеттин кепилдигин толук камсыздайбыз.

Баса белгилеп айтып кетүүчү нерсе, буга чейин болуп келген жагымсыз көрүнүштөр боюнча:

-мамлекеттик органдар болобу, күч түзүмдөрүнөн болобу же деструктивдүү элементтерден болобу, келип, болбогон шылтоо таап опузалап, кандайдыр бир иштерине тоскоолдук кылып, акча талап кылууларына биз жол бербейбиз.

Ошол эле маалда жергиликтүү бийликтен же жергиликтүү элдин атынан бирөө-жарым келип, мыйзамсыз иш-аракеттер менен тоскоолдук кылбайт деп убада беребиз.

Кимде ким тоскоолдуктарды кылса, аны менен жеке өзүм эсептешем.

Кокус биздин инвесторлорго карата андай чекилик иштердин чети эле билинсе, мыйзамсыз иш-аракеттерге баргандар катуу жазаланат.

Биз эки жарым жыл ичинде ийгиликтүү иш жүргүзүп жаткан инвесторлорго мамлекеттик кызматкерлер тараптан сый мамиле кылууну жолго коё алдык.

Инвесторлор үчүн ар кандай жеңилдиктер, уруксат берүүчү документтерди алууга ийкемдүү жана пайдалуу шарттарды түзүп беребиз.

 

 

 

 

Урматтуу өнүктүрүү боюнча өнөктөштөр, Асман шаарын курууда “жашыл”, табигый принциптерге негизделген күн тартибинде турган климат маселелеринин алкагында кызматташуу боюнча маанилүү сунуш менен кайрылып кетейин.

Биз башка региондорго үлгү боло турган, келечекте таза табиятын сактоого салым кошуучу экологиялык шаар курууга умтулуп жатабыз.

Ошону менен катар эл аралык каржы институттары жана Асман шаарын өнүктүрүүнү колдой турган башка уюмдар менен кызматташуу ниетибиз бар.

Мындан улам, мамлекеттик жана жеке өнөктөштүктүн алкагында гранттарды жана башка каржылык механизмдерди пайдалануу мүмкүнчүлүгүн талкуулоо үчүн ачык экенибизди айта кетейин.

 

 

 

 

 

 

Сиздерди өнөктөш болууга жана долбоорубузга өз тажрыйбаңарды,

ресурстарыңарды жана технологияңарды кошууга чакырабыз.

Урматтуу мекендештер!

Чынында эле өлкө тарыхында мындай ири долбоорго биринчи кадам жасап жатабыз.

Ошондуктан, бул акылдуу шаарга олуттуу мамиле кылып, узакка создуктурбай, долбоорду ыкчамдатуунун аракетин көрөбүз.

 

 

 

 

Мындай ири долбоордун башталышы менен ата мекендик курулуш ишканалары, транспорт түйүндөрү, темир жолубуз жанданат, миңдеген жумуш орундары түзүлөт.

Аны менен кошо бул облустун эле эмес, бардык республикабыздын ички карым-катнашы активдешип, өндүрүш ишканаларынын өнүгүшүнө өбөлгө болот.

 

 

 

 

 

Башталган чоң долбоорлорубузга оң көз менен карап, ийгиликтүү ишке ашырылышына баарыбыз салым кошолу.

Белгилүү бир мезгил өткөндөн кийин Асман шаарыбыз аты алыска угулуп, дүйнөнүн төрт тарабынан туристтер агылган акылдуу шаар атыгып, бул шаардын курулушу башталганда, мен да катыштым эле деп сыймыктанган учурга жетели.

Кыргызстандын өнүгүүсүнө жер шарты, табият-жаратылышы, меймандос эли, потенциалы күчтүү адистери, келечектүү жаштары бар деп баарыбыз айтып келебиз.

 

 

 

 

Мына ушундай Кудай берген артыкчылыктарыбызды туура жактарга – өнүгүүгө пайдаланалы.

Ал үчүн ынтымагыбызды бекем сактайлы, биримдигибизди бекем кармап, алдыга умтулалы!

Башталган Асман шаарынын арымы кенен жана түбөлүктүү болсун!

 

 

 

 

 

Касиеттүү көлүбүзгө көрк берген, туризми менен таанылган, өлкөбүздүн өнүгүүсүнүн башаты болгон ак жолтой шаар курулсун!

 

 

 

 

 

Биринчи имараты бүтүп, ишке берилип жатканда ушул жерде кайрадан жолукканды Кудай насип этсин!

Асман шаарыбыздын пайдубалы бекем болсун!”.

kaynak:https://president.kg/news/all/24324

 

]]> Президент Садыр Жапаров: Кыргыз сому 30 жыл ичинде кыргыз мамлекеттүүлүгүнүн туруктуулугунун символу жана өлкөнүн көз карандысыз экономикалык саясатынын негизги элементи болуп келди https://kibrisadagazetesi.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d1%81%d0%b0%d0%b4%d1%8b%d1%80-%d0%b6%d0%b0%d0%bf%d0%b0%d1%80%d0%be%d0%b2-%d0%ba%d1%8b%d1%80%d0%b3%d1%8b%d0%b7-%d1%81%d0%be%d0%bc%d1%83-30-h46345.html Sun, 11 Jun 2023 12:39:55 +0000 https://1453kralmedya.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d1%81%d0%b0%d0%b4%d1%8b%d1%80-%d0%b6%d0%b0%d0%bf%d0%b0%d1%80%d0%be%d0%b2-%d0%ba%d1%8b%d1%80%d0%b3%d1%8b%d0%b7-%d1%81%d0%be%d0%bc%d1%83-30-h46345.html

Президент Садыр Жапаров: Кыргыз сому 30 жыл ичинде кыргыз мамлекеттүүлүгүнүн туруктуулугунун символу жана өлкөнүн көз карандысыз экономикалык саясатынын негизги элементи болуп келди

 

 

Кыргыз Республикасынын Президенти Садыр Жапаров бүгүн, 9-июнда, Т.Сатылганов атындагы Кыргыз улуттук филармониясында Кыргыз Республикасынын улуттук валютасынын киргизилгендигинин 30 жылдыгына арналган салтанаттуу иш-чарага катышты.

Мамлекет башчысынын сөзүнүн тексти:

“Ардактуу кыргызстандыктар!

Бүгүнкү иш-чаранын урматтуу катышуучулары жана кадырлуу меймандары!

Урматтуу каржы рыногунун өкүлдөрү!

 

 

 

 

 

1993-жылдын май айы – Кыргыз Республикасы үчүн тарыхый мааниси зор айлардын бири. Анткени 1993-жылдын май айында Кыргыз Республикасынын Конституциясы кабыл алынып, андан көп өтпөй эле Кыргыз Республикасынын улуттук валютасы жүгүртүүгө киргизилген.

Конституциянын кабыл алынышы мамлекетибиздин укуктук негиздерин бекемдеп, эгемендүү кыргыз мамлекетин куруунун укуктук, саясий жана социалдык-экономикалык өбөлгөлөрүн аныктаса, өз валютабызды жүгүртүүгө киргизүү эң маанилүү экономикалык реформаларга мүмкүнчүлүк ачкан.

Мына ошондуктан, өлкөбүз үчүн маанилүү окуялардын бири – Кыргыз Республикасынын улуттук валютасынын колдонууга киргизилишинин 30 жылдык мааракеси менен баарыңыздарды чын дилимден куттуктаймын!

Советтик мезгилден кийинки өлкөлөрдүн ичинен Кыргызстан биринчилерден болуп улуттук валютаны кабыл алып, жүгүртүүгө чыгарган. Азыр артка кылчайып, ошол окуяларга баа бере турган болсок, бул чечим маанилүү кадам болгонун көрө алабыз. Анткени өз валютабыздын киргизилиши биздин көз карандысыз өнүгүү жолубузду аныктап, өз алдынча акча-кредиттик саясат жүргүзүүгө шарт түзгөн.

Кыргыз сому 30 жыл ичинде кыргыз мамлекеттүүлүгүнүн туруктуулугунун символу жана өлкөнүн көз карандысыз экономикалык саясатынын негизги элементи болуп келди.

Учурдан пайдаланып, кыргыз сомун киргизүү процессинде катышкан бардык адамдардын – ошол учурдагы Улуттук банктын төрагасы, ыраматылык Нанаев Кемелбек Касымкуловичтин, Улуттук банктын төрагасынын орун басары Абдуманапов Эмил Садыковичтин, премьер-министрлер – Исанов Насирдин Исановичтин жана Чынгышев Турсунбек Чынгышевичтин, вице-премьер-министр Койчуев Турар Койчуевичтин өлчөөсүз эмгегин эскерип, валютаны киргизүү боюнча жумушчу топтун мүчөлөрүнө, сүрөтчүлөргө, тарыхчыларга жана экономисттерге терең ыраазычылыгымды билдире кетейин.

Кыргызстандын каржы системасы, улуттук төлөм, банк системасы дүйнөлүк каржы-экономикалык кризистердин таасирине карабастан, өзүнүн бекемдигин көрсөтүп, өнүгүп келе жатат.

Мында Улуттук банктын ордун жана анын жүзөгө ашырып жаткан акча-кредиттик саясатын, ошондой эле каржы рыногунун кызматкерлеринин ишине жасаган ак ниет жана кесипкөй мамилесин, ишке болгон жоопкерчилигин баса белгилеп айтып кетишибиз абзел.

Кыргыз Республикасынын Министрлер Кабинети менен Улуттук банктын биргелешип жүргүзгөн саясатынын натыйжасында макроэкономикалык стабилдүүлүк жана бюджеттик туруктуулук камсыздалууда.

Каржы рыногунун өнүгүүсүнө таасир эткен эң негизги фактор – бул калктын ишеними. Жарандар финансылык продукцияны керектөөчү катары каржылык уюмдардын ишине баа берет. Ошондуктан, каржылык кызмат көрсөтүүлөрдүн сапатын жогорулатуу жана дүйнөлүк тенденцияларга шайкеш келген каржылык технологияларды киргизүү жолу менен калктын ишенимин мындан ары жогорулатуу зарыл.

Санариптештирүү социалдык-экономикалык өнүгүүнүн кыймылдаткычы экени баарыбызга белгилүү. Мына ошондуктан, санариптештирүүгө багыт алуубуз азыркы замандын талабы жана анда мамлекеттик институттардын аткарган ролу өтө маанилүү.

Мамлекет тарабынан каржы рыногун колдоо максатында мамлекеттик банктардын капиталын жогорулатуу, эл аралык өнүктүрүү фонддорду ишке киргизүү, тийиштүү мыйзам долбоорлорун иштеп чыгуу сыяктуу тиешелүү чаралар көрүлүүдө.

 

 

 

Белгилүү болгондой, 2026-жылга чейин Кыргыз Республикасын өнүктүрүүнүн улуттук программасында каржы рыногун өнүктүрүү маанилүү багыттардын бири катары каралган.

Ага жараша банк секторун андан ары өнүктүрүү үчүн төмөнкү багыттар боюнча иш алып баруу зарыл:

– калкка жана чарба жүргүзүүчү субъекттерге каржылык кызмат көрсөтүүлөрдүн жеткиликтүүлүгүн арттыруу;

– санариптик төлөм технологияларын өнүктүрүү;

– санариптик сомду колдонуунун пилоттук долбоорун ишке ашыруу;

– экономиканын реалдуу секторун колдоо үчүн жеңилдетилген каржылоо.

Азыркы учурда дүйнө жүзүндө болуп жаткан окуялар маалында тышкы каржы рынокторунда башка өлкөлөрдүн валюталарынын курсунун туруксуздугу байкалууда.

Түзүлгөн жагдай Улуттук банктын каржылык институт катары маанилүүлүгүн көрсөтүп турат. Ал улуттук валютанын сатып алуу жөндөмдүүлүгүн сактоо, каржылык-банктык системанын туруктуулугун камсыз кылуу, ошондой эле калктын каржылык мекемелерге болгон ишенимин сактоо боюнча иштерди үзгүлтүксүз жүргүзүүнү улантышы кажет.

 

 

 

 

Биргелешкен аракет, ак кызмат жана мекенчилдик сезимге таянсак жарандардын каржылык бакубаттуулугун, мамлекеттин финансылык туруктуулугун чыңдоо боюнча алдыга коюлган негизги максаттарыбыздын ишке ашарына бекем ишенем.

Кыргыз сомунун 30 жылдык мааракеси шыктанууга, умтулууга, өнүгүүгө жана жаңы жетишкендиктерге себеп болсун. Улуттук валютабыз биздин биримдигибиздин жана кубаттуулугубуздун символу болуп кала берсин. Бардык кыйынчылыктарды жеңип чыгарыбызга ишенип, келечекке жаркын үмүт менен карайлы.

 

 

 

Жакын арада Кыргызстан улуттук валютанын банкнотторун республика ичинде басып чыгара баштайт. Бул багытта тиешелүү иштер жүргүзүлүп, керектүү техника алынды. Биз аны сөзсүз ишке киргизебиз.

Урматтуу мекендештер!

Бүгүнкү салтанаттуу иш-чаранын катышуучулары!

Улуттук валютабыздын колдонууга киргизилишинин 30 жылдык мааракеси менен дагы бир жолу куттуктайм!

Баарыңыздарга бекем ден соолук, бакубат турмуш каалайм.

 

 

 

 

Мамлекетибиздин акча-кредиттик саясатына жооптуу кызматкерлеринин, каржы рыногунун кызматкерлеринин жоопкерчиликтүү ишин ар дайым ийгиликтер коштосун.

Кыргыз сомунун мааракеси кут болсун!”

2023-жыл 9-июнь
facebook sharing buttontwitter sharing buttonvk sharing buttonodnoklassniki sharing buttonwhatsapp sharing buttonprint sharing buttonemail sharing button

kaynak:https://president.kg/kg/okujalar/25002_prezident_sadir_ghaparov_kirgiz_somu_30_ghil_ichinde_kirgiz_mamlekettlgnn_turuktuulugunun_simvolu_ghana_lknn_kz_karandisiz_ekonomikalik_sayasatinin_negizgi_elementi_bolup_keldi

]]> Президент Садыр Жапаров ЕККУнун Башкы катчысы Хельга Мария Шмидди кабыл алды https://kibrisadagazetesi.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d1%81%d0%b0%d0%b4%d1%8b%d1%80-%d0%b6%d0%b0%d0%bf%d0%b0%d1%80%d0%be%d0%b2-%d0%b5%d0%ba%d0%ba%d1%83%d0%bd%d1%83%d0%bd-%d0%b1%d0%b0%d1%88%d0%ba-h46206.html Wed, 07 Jun 2023 16:39:55 +0000 https://1453kralmedya.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d1%81%d0%b0%d0%b4%d1%8b%d1%80-%d0%b6%d0%b0%d0%bf%d0%b0%d1%80%d0%be%d0%b2-%d0%b5%d0%ba%d0%ba%d1%83%d0%bd%d1%83%d0%bd-%d0%b1%d0%b0%d1%88%d0%ba-h46206.html

 

 

Президент Садыр Жапаров ЕККУнун Башкы катчысы Хельга Мария Шмидди кабыл алды

Кыргыз Республикасынын Президенти Садыр Жапаров бүгүн, 5-июнда, Борбор Азия өлкөлөрүн кыдырып жүргөн Европадагы коопсуздук жана кызматташтык боюнча уюмунун (ЕККУ) Башкы катчысы Хельга Мария Шмидди кабыл алды.

 

 

 

Өз ара кызыкчылык жараткан бардык чөйрөлөрдө эки тараптуу кызматташтыкты бекемдөө, ошондой эле жакынкы келечекте кызматташуунун приоритеттери тууралуу пикир алмашуу болду.

Мамлекет башчысы ЕККУнун Башкы катчысы менен учурашып, өлкөбүзгө – социалдык-экономикалык өнүктүрүү, коопсуздукту чыңдоо, сот жана укук коргоо органдарына көрсөтүлүп жаткан колдоо үчүн ыраазычылык билдирди

“Кыргызстан ЕККУну консенсус принцибине негизделген коопсуздук жана кызматташтык маселелери боюнча катышуучу мамлекеттердин ортосунда тең укуктуу жана өз ара урматтоо диалогу үчүн маанилүү көп тараптуу аянтча катары карайт”, – деп, Садыр Жапаров ЕККУнун Бишкектеги программалар кеңсесинин ишмердигин оң баалай турганын белгиледи.

Ошону менен бирге Президент төмөнкү багыттар боюнча ЕККУнун Кыргызстандагы долбоордук ишмердигин күчөтүү максатка ылайыктуу деп эсептейт, алар: чек ара коопсуздугун чыңдоо, укук коргоо органдарын реформалоону мындан ары колдоо жана алардын дараметин бекемдөө, электрондук коммерцияны өнүктүрүү, айрыкча өлкө региондорунда ишкердикти колдоо.

Мамлекет башчысы быйыл Бүткүл дүйнөлүк айлана-чөйрө күнүнүн 50 жылдыгын белгилеп жатканын эскертип, глобалдуу деңгээлде көтөрүлгөн тоолуу региондорду туруктуу өнүктүрүү маселелерине кенен токтолду. Тактап айтканда, Садыр Жапаров климаттык өзгөрүү кесепеттерине байланыштуу өлкөнүн экономикалык саясатынын негизги артыкчылыктарынын бири болуп «жашыл экономиканы» илгерилетүү, экологиялык таза технологияларды ишке киргизүү жана айлана-чөйрөнү коргоо саналарын айтты. Кыргызстан эл аралык өнөктөштөр менен «жашыл демилгелерди» илгерилетүү боюнча кызматташтыкты өнүктүрүүгө кызыкдар.

Өз кезегинде Хельга Мария Шмид Президент Садыр Жапаровго жылуу кабыл алганы үчүн ыраазычылык билдирип, Кыргызстан уюмдун эң маанилүү өнөктөшү жана катышуучу-өлкөсү экенин белгиледи.

 

 

 

Ал тоолуу өлкөлөрдү коргоо боюнча Кыргыз Республикасынын көтөрүп жаткан демилгелерин жана аракеттерин жогору баалап, уюмдун БУУнун тоо өнөктөштүгүнө кошулгандыгын канааттануу менен белгиледи.

ЕККУнун Башкы катчысы ЕККУ Кыргызстан жана Борбор Азия менен эки тараптуу жана аймактык кызматташтыкты өнүктүрүүгө кызыкдар экенин дагы бир жолу ырастады.

 

 

5 сүрөт 9 mbФотогалереяны жүктөө
2023-жыл
facebook sharing buttontwitter sharing buttonvk sharing buttonodnoklassniki sharing buttonwhatsapp sharing buttonprint sharing buttonemail sharing button

kaynak:https://president.kg/kg/okujalar/24967_prezident_sadir_ghaparov_ekkunun_bashki_katchisi_helga_mariya_shmiddi_kabil_aldi

 

 

 

]]> Президент Садыр Жапаров принял Генерального секретаря ОБСЕ Хельгу Марию Шмид https://kibrisadagazetesi.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d1%81%d0%b0%d0%b4%d1%8b%d1%80-%d0%b6%d0%b0%d0%bf%d0%b0%d1%80%d0%be%d0%b2-%d0%bf%d1%80%d0%b8%d0%bd%d1%8f%d0%bb-%d0%b3%d0%b5%d0%bd%d0%b5%d1%80-10-h46167.html Tue, 06 Jun 2023 16:50:58 +0000 https://1453kralmedya.com/%d0%bf%d1%80%d0%b5%d0%b7%d0%b8%d0%b4%d0%b5%d0%bd%d1%82-%d1%81%d0%b0%d0%b4%d1%8b%d1%80-%d0%b6%d0%b0%d0%bf%d0%b0%d1%80%d0%be%d0%b2-%d0%bf%d1%80%d0%b8%d0%bd%d1%8f%d0%bb-%d0%b3%d0%b5%d0%bd%d0%b5%d1%80-10-h46167.html

 

 

 

Президент Садыр Жапаров принял Генерального секретаря ОБСЕ Хельгу Марию Шмид

Президент Кыргызской Республики Садыр Жапаров сегодня, 5 июня, принял Генерального секретаря ОБСЕ Хельгу Марию Шмид, которая совершает турне по странам Центральной Азии.

Состоялся обмен мнениями об укреплении двустороннего сотрудничества во всех сферах, представляющих взаимный интерес, а также приоритетах сотрудничества на ближайшую перспективу.

Глава государства, приветствуя Генсека ОБСЕ, поблагодарил за поддержку, оказываемую стране. В частности, в социально-экономическом развитии, укреплении силовых, судебных и правоохранительных органов.

 

 

 

 

«Кыргызстан рассматривает ОБСЕ в качестве важной многосторонней площадки для равноправного и взаимоуважительного диалога между государствами-участниками по вопросам безопасности и сотрудничества на основе принципа консенсуса», – отметил Садыр Жапаров, с удовлетворением подчеркнув деятельность Офиса программ ОБСЕ в Бишкеке.

Вместе с тем Президент считает целесообразным усилить проектную деятельность ОБСЕ в Кыргызстане по таким направлениям, как укрепление безопасности границ, а также продолжать поддерживать реформу правоохранительных органов и укреплять их потенциал, развивать электронную коммерцию, поддерживать предпринимательство, особенно в регионах страны.

Глава государства, напомнив, что в этом году отмечается 50-летие Всемирного дня окружающей среды, подробно остановился на вопросах устойчивого развития горных регионов на глобальном уровне. В частности, Садыр Жапаров отметил, что в связи с последствиями изменения климата одним из основных приоритетов экономической политики страны является продвижение «зеленой экономики», внедрение экологически чистых технологий и защита окружающей среды. Кыргызстан заинтересован в развитии сотрудничества с международными партнерами по продвижению «зеленых инициатив».

В свою очередь Хельга Мария Шмид, поблагодарив Президента Садыра Жапарова за теплое гостеприимство, отметила, что Кыргызстан является очень важным партнером и страной-участницей Организации.

 

 

 

Она высоко оценила принимаемые инициативы и усилия Кыргызской Республики по защите горных стран, с удовлетворением отметив присоединение Организации к горному партнерству ООН.

Генсек ОБСЕ еще раз подтвердила заинтересованность ОБСЕ в развитии двустороннего и регионального сотрудничества с Кыргызстаном и Центральной Азией.

 

 

5 фотографий 9.02 mbCкачать фотогалерею
2023
facebook sharing buttontwitter sharing buttonvk sharing buttonodnoklassniki sharing buttonwhatsapp sharing buttonprint sharing buttonemail sharing button

kaynak:https://president.kg/ru/sobytiya/24966_prezident_sadir_ghaparov_prinyal_generalnogo_sekretarya_obse_helgu_mariyu_shmid

 

 

]]>