əsilli – Kıbrıs Ada Gazetesi

Komitə sədri Avstraliyada yaşayan Azərbaycan əsilli musiqiçi ilə görüşüb

Abdullah Yiğit — Sat, 09 Dec 2023 06:05:54 +0000

Komitə sədri Avstraliyada yaşayan Azərbaycan əsilli musiqiçi ilə görüşüb
2023

Komitə sədri Avstraliyada yaşayan Azərbaycan əsilli musiqiçi ilə görüşüb
Diasporla İş üzrə Dövlət komitəsinin sədri Fuad Muradov Avstraliya İttifaqının Melburn şəhərində fəaliyyət göstərən pianoçu Boris Quslister ilə görüşüb.

Qonağı səmimi salamlayan Komitə sədri B.Quslisterin gələcəkdə Avstraliyada yaşayan Azərbaycan diasporunun fəaliyyətinə töhfələr verəcəyini, oradakı Azərbaycan və yəhudi icmaları arasındakı münasibətlərin gücləndirilməsində öz səylərini əsirgəməyəcəyini əminliklə diqqətə çatdırıb.

Ümummilli lider Heydər Əliyevin 100 illik yubileyinə həsr olunmuş konsert proqramında çıxış etmək üçün şəhərimizin qonağı olan B.Quslister Azərbaycana səfərini təşkil etdiyi üçün Diasporla İş üzrə Dövlət Komitəsinə öz təşəkkürünü bildirib. O, ilk dəfədir Azərbaycana gəldiyini və Bakının gözəlliyinə heyran olduğunu, bundan sonra tez-tez ölkəmizə səfər edəcəyini və növbəti səfəri zamanı mütləq Şuşaya gedəcəyini bildirib. “Bakı” adlı orkestr yaratmaq istədiyini qeyd edən musiqiçi Avstraliyada həmin orkestrin çıxışı ilə geniş konsert proqramı təşkil etmək istəyini də dilə gətirib.

Görüşdə Azərbaycanın Avstraliyadakı diaspor fəaliyyəti, keçirilən tədbirlər, gələcəkdə mədəni sahədə həyata keçiriləcək layihələr və mədəni irsimizin təbliğinin genişləndirilməsi ətrafında geniş fikir mübadiləsi aparılıb.

Qeyd edək ki, Boris Quslister 1952-ci ildə Bakıda anadan olub, orta və ali təhsilini də burada alıb. 1979-1987-ci illərdə İsraildə yaşayıb və çalışıb. Hazırda Avstraliya İttifaqının Melburn şəhərində yaşayır. ABŞ, Yaponiya, Danimarka, Çex Respublikası, Slovakiya, İslandiya, Tayvan və bir çox ölkələrdə konsert proqramları ilə çıxış edib.

FOTO QALEREYA

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:https://diaspor.gov.az/az/news-detail/komite-sedri-avstraliyada-yasayan-azerbaycan-esilli-musiqici-ile-gorusub-3919

Azərbaycan əsilli hüquqşünas Cenevrə Universitetindəki tədbirdə ermənipərəst siyasətçiləri ifşa edib

Abdullah Yiğit — Thu, 15 Dec 2022 09:40:13 +0000

Azərbaycan əsilli hüquqşünas Cenevrə Universitetindəki tədbirdə ermənipərəst siyasətçiləri ifşa edib

, 2022
Azərbaycan əsilli hüquqşünas Cenevrə Universitetindəki tədbirdə ermənipərəst siyasətçiləri ifşa edib

Cenevrədə “Ermənistan və Azərbaycan arasında müharibə və Avrasiyada böyük geosoyasi oyunların qayıtması” mövzusunda keçirilən dəyirmi masaya qatılan Azərbaycan icmasının üzvləri ermənilərin və ermənipərəst siyasətçilərin yalanlarını ifşa ediblər.

Erməni diasporunun təşəbbüsü ilə Cenevrə Universitetinin Qlobal Tədqiqatlar İnstitutunda təşkil edilən dəyirmi masada İsveçrə Konfederasiyasının eks-prezidenti Mişelin Kalmi-Rey, Cenevrə Universitetinin müəllimləri Özcan Yılmaz və Vikken Çeteryan çıxış ediblər.

Valentina Kalzolarinin moderatorluğu ilə aparılan tədbirdə Fransada yaşayan Azərbaycan əsilli hüquqşünas Zaur Sadıqbəyli, İsveçrədəki Azərbaycan icmasının üzvləri, Cenevrə Universitetinin tələbələri Aynur Əsədli və Əminə Əhədova iştirak ediblər.

Mişelin Kalmi-Reyin və Valentina Kazlorinin Qarabağ həqiqətləri, Zəngəzur dəhlizi ilə bağlı yalan məlumat verdiklərini görən Zaur Sadıqbəyli keçmiş prezidentə və moderatora kəskin etirazını bildirib və dezinformasiya yaymağın yolverilməzliyi barədə onlara xəbərdarlıq edib.

Ermənilərin, moderatorun və Mişelin Kalmi-Reyin mane olmaq cəhdlərinə baxmayaraq, Zaur Sadıqbəyli xalqımızın haqlı mövqeyini və tarixi faktları tədbir iştirakçılarının nəzərinə çatdırıb. Bildirib ki, Dağlıq Qarabağ Azərbaycanın əzəli torpağıdır və hər zaman Azərbaycanın tərkibində olub, Zəngəzur dəhlizinin açılması ilə bağlı maddə isə 10 noyabr 2020-ci il tarixli üçtərəfli bəyanatda əks olunub. Bölgədə sülhün və normallaşma münasibətlərinin bərqərar olması naminə Azərbaycan dövlətinin ciddi səylər göstərdiyini, bütün kommunikasiya və nəqliyyat marşrutlarının açılmasında maraqlı olduğunu, hətta Ermənistanın rifahının artırılması naminə bu ölkənin iqtisadi layihələrə cəlb olunması təklifini irəli sürdüyünü vurğulayıb.

Xatırladaq ki, isveçrəli siyasətçi Mişelin Kalmi-Rey ermənipərəst mövqeyi ilə tanınır, 2012-ci ildə Ermənistanın “Şərəf” ordeni ilə təltif olunub. Məhz onun dəvəti ilə 2013-cü ildə Ermənistanın xarici işlər naziri Edvard Nalbandyan Cenevrə Universitetində mühazirə ilə çıxış edib.

Dəyirmi masada baş verənlərin videosunu aşağıdakı link vasitəsilə izləmək mümkündür:

Play

00:00
02:19
Mute

Settings
Enter fullscreen

Play
FOTO QALEREYA

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/azerbaycan-esilli-huquqsunas-cenevre-universitetindeki-tedbirde-ermeniperest-siyasetcileri-ifsa-edib-2062

Azərbaycan əsilli rusiyalı boksçu Moskvada erməni rəqibini məğlub edib

Abdullah Yiğit — Mon, 21 Nov 2022 10:50:27 +0000

Azərbaycan əsilli rusiyalı boksçu Moskvada erməni rəqibini məğlub edib

Moskvada keçirilən “Peşəkar boks gecələri” yarışında Kursk vilayətində yaşayan Azərbaycan əsilli boksçu, Rusiya çempionu Orxan Hacıyev Ermənistandan olan rəqibi Arkadi Arutunyan üzərində möhtəşəm qələbə qazanıb.

“Krılya Sovetov” idman kompleksində təşkil olunan yarışda soydaşımızın erməni idmançı ilə qarşılaşması gərgin mübarizə şəraitində keçib. Bütün rauundlar soydaşımızın üstünlüyü ilə keçib və hakimlər yekdilliklə qələbəni ona veriblər. Azərbaycan bayrağı ilə rinqə çıxan Orxan Hacıyevin qələbəsi soydaşlarımızın böyük coşğusuna səbəb olub.

Qeyd edək ki, bu, Orxan Hacıyevin peşəkar rinqdə 17-ci qələbəsidir.

Diasporla İş üzrə Dövlət Komitəsi gənc soydaşımızı bu qələbə münasibətilə təbrik edir, ona gələcək yarışlarında davamlı olaraq parlaq nəticələr əldə etməyi arzulayır.

FOTO QALEREYA

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/azerbaycan-esilli-rusiyali-bokscu-moskvada-ermeni-reqibini-meglub-edib-1967